Паян, авӑнӑн 21-мӗшӗнче, Чӑваш Енре Пӗрлӗхлӗ информаци кунӗ иртет. Ун темисем:

• 2011 ҫулта тата планпа пӑхнӑ 2012-2013 ҫулсенче республика бюджетне кӗртмелли улшӑнусем ҫинчен;

• ял хуҫалӑх ӗҫӗсем тата Чӑваш Енри муниципалитетсенче ял хуҫалӑх таварӗсен ярмӑрккисене ӗҫлетересси;

• Раҫҫей Федерацийӗн Патшалӑх Думине, Чӑваш Республикин Патшалӑх Канашне депутатсене суйлассипе ҫыхӑннӑ суйлавӑн хатӗрленӳ тапхӑрӗсем ҫинчен.

Уйрӑммӑн ватӑ ҫынсене патшалӑх пулӑшӑвӗсемпе тивӗҫтернин ыйтӑвӗсене те хускатӗҫ. Информаци ушкӑнӗсем тӗрлӗ ял тӑрӑхӗсенче аякра вырнаҫнӑ ялсене ҫитсе вӗсене кӑсӑклантаракан ыйтусене хуравлӗҫ.

Паянах харпӑрхӑй ыйтӑвӗпе килнӗ халӑха йышӑнма палӑртнӑ.

Михаил Игнатьев

Ҫу уйӑхӗн 19-мӗшӗнче Шупашкар районӗнче пӗрлехи информаци кунӗ иртрӗ. ЧР Министрсен Кабинечӗн Председателӗн заместителӗ — ялхуҫалӑх министрӗ Михаил Игнатьев ертсе пыракан ушкӑн Тутаркасси пултарулӑх ҫуртӗнче ял ҫыннисемпе тӗл пулчӗ.

Министр республикӑн бюджет политикипе паллаштарчӗ, паянхи кун экономикӑра ырӑ улшӑнусем пуррине палӑртрӗ, ҫурт-йӗрпе коммуналлӑ хуҫалӑха, агропромышленность комплексне аталантарма палӑртнӑ утӑмсем пирки каларӗ.

Ун хыҫҫӑн Шупашкар районӗн пуҫлӑхӗ Анатолий Князев сӑмах илчӗ:

— Кӑҫал кӗркунне акса хӑварнӑ 5000 гектар тырӑ пӗтрӗ, вӗсене йӑлтах ҫӗнӗрен акмалла. Тӑкак сахал мар пулчӗ. Пӗр ҫуллӑх тата нумай ҫуллӑх курӑксем, кукуруза акатпӑр.

Унтан район пуҫлӑхӗ демографи ыйтӑвӗ лайӑхланса пынине, ҫавна май ача сачӗсем ытларах кирлине палӑртрӗ. Кӳкеҫре 300 ача черетре тӑрать, хӑш-пӗр ялсенче вара вырӑнсем пушӑ, унта ҫӗнӗ ушкӑнсем уҫма палӑртаҫҫӗ. «Ҫӗнӗрен 1 ача сачӗ тума 2 миллиона яхӑн укҫа кирлӗ, хатӗр учрежденире 1 ушкӑн уҫма — 600 пине яхӑн, — терӗ Анатолий Панетелеймонович.

Малалла...